Што да направите кога некој зема заслуга за вашите постигнувања на работа?

Имавте добитна идеја за вашата компанија и пофалби стигнуваат од сите страни, но не и на ваша адреса.

Тенка е линијата меѓу опасноста да делувате како колега кој не сака да биде тимски играч и добивање на признанието што го заслужувате.

Денес, фокусот на работното место се става на тимското работење и соработувањето, но исто така живееме во култура во која мора да се истакнувате, инаку ќе се претопите во позадината.

Веќе зборувавме за тоа зошто не добивате унапредување на работа, а овојпат ќе анализираме како да постапите во случај кога вашиот труд не само што не е вреднуван, туку заслугата и признанието одат кај некој колега, шефот или изостануваат воопшто.

Добивањето пофалба или признание на работното место е важен дел од утврдувањето на вашата вредност и согласно тоа вашето напредување во компанијата, но ако постојано барате признанија, тоа може да ви се удри од глава и да оставите впечаток на „ловец на трофеи“.

Кога заслугите ги зема шефот

Една од карактеристиките на добар шеф е способноста да оддаде признание и пофалба на вистинското место во вистинско време, за вистинската работа.

Најдобрите лидери се оние кои велат: „Мојот тим го направи ова“ или „Некој од мојот тим ја доби идејата и ја спроведовме“. Вистинскиот лидер им дозволува и овозможува на другите да се издигнуваат.

Но, тоа не се случува секогаш.

Ако вашиот шеф редовно ги зема заслугите за вашата добро завршена работа или брилијантна идеја, вашето решение е да набавите писмени докази за тоа од каде потекнала и како „патувала“ идејата. Потрудете се размената на информации и извештаи да оди по пишан или електронски пат, за да имате „црно на бело“. Ако имате состаноци „еден на еден“ со шефот, потоа пратете му мејл во кој потсетувате што се разговарало, а потоа побарајте потврда и некаква консултација или слично.

Ако се одлучите да се соочите директно со шефот, одбегнете директни обвинувања и не заборавајте дека најважен е тимот.

Исто така, сфатете дека понекогаш има смисла шефот да преземе водство и да ги презентира идеите и проектите.

Што кога станува збор за колега?

Имате многу повеќе простор да се наметнете кога станува збор за колега кој ги жнее вашите успеси, но сепак внимавајте да не бидете нечувствителни, нападни или едноставно „тужибаби“.

Можете да си дозволите да бидете поагресивни бидејќи соодносот на моќ не е ист како со шефот.

Што да направите? Одбегнувајте да споделувате идеи во приватни ситуации (ќе биде вашиот збор против неговиот/нејзиниот) и како и во претходниот случај, документирајте сѐ што можете.

Ако сметате дека сте биле запоставени во оддавањето заслуги во групни проекти, не пишувајте гневен мејл со содржина „јас го направив ова, ова и ова“, туку упатете го мејлот на сите засегнати и искажете благодарност за соработката, дека уживавте во тимската работа и дека се гордеете со тимот.

Бирајте ги битките

Внимавајте кога, како и колку често барате признание за вашиот труд.

Пред да побарате заслуга за идејата, прашајте се колку добивањето на идејата било резултат на претходна тимска работа и брејнсторминг.

Исто така, дали признанијата доаѓаат со некаков бенефит – бонус, покачување на плата, унапредување? Ако тоа што не добивате признанија ве уназадува во работата и ве прави да се чувствувате помалку вредни, реагирајте. Во спротивно, може само да оставите впечаток дека сте алчни и колекционери на пофалби.

Поставете позитивен пример

„Бидете промената што сакате да ја видите во светот“, рекол мудриот Ганди. Поставете позитивен пример со тоа што вие ќе им честитате на колегите или шефовите, ќе ги пофалите јавно, ќе го нагласите нивниот придонес.

Со тоа покажувате големина, скромност и доблесност и создавате атмосфера и средина во која охрабрувањата се добредојдени, а пофалбите навистина значат нешто.

Ќе бидете почитувани од колегите и вреднувани од шефовите.

реклама

Грчки археолози открија мистериозна тркалезна градба стара 4.000 години

Read more

Преработена храна што треба да се јаде и при процесот на слабеење

Read more

Трагедија: Почина голманот на Црна Гора, Матија Шаркиќ

Read more

Три вида цвеќиња што треба да се поткастрат во јуни за подобро да растат и цветаат

Read more

Живот

Летото ќе промени сѐ: Хороскопски знаци кои мора да се подготват за љубовни турбуленции

Read more

Маск му донесе интернет на племе во Амазон и ги навлече на порнографија

Read more

Трик за лесно ослободување од досадните семки од пиперките

Read more

Летно пиво: Историја на радлерот

Read more
 

Магазин

Што си дробел, тоа ќе сркаш

Читај повеќе

Преработена храна што треба да се јаде и при процесот на слабеење

Читај повеќе

За гурмани: Докопани во сос од сланина, јаболка и павлака

Читај повеќе

Четири нискогликемиски намирници кои поддржуваат здраво слабеење

Читај повеќе

Летото ќе промени сѐ: Хороскопски знаци кои мора да се подготват за љубовни турбуленции

Читај повеќе

Маск му донесе интернет на племе во Амазон и ги навлече на порнографија

Читај повеќе

Црвеното грозје го намалува холестеролот и има антистареечки ефекти

Читај повеќе

Како да го забрзате метаболизмот: Многу е полесно отколку што мислите

Читај повеќе

Сарма ќофтиња за мрзливи во кујна

Читај повеќе