Без правосмукалка тешко можеме да си го замислиме животот. Незаменливо е кога треба да исчистиме стан или куќа. Но, со долготрајна употреба се случува правосмукалката да работи сѐ послабо и послабо. За среќа, решението за оваа ситуација е повеќе од едноставно.
Еве што треба да направите за правосмукалката повторно да изгледа како нова:
Отворете го делот од правосмукалката каде што се наоѓа вреќата за прав.
1. Обрнете внимание на гумата на капакот. Кога капакот е затворен, оваа гума треба да дојде во контакт со гумата на вреќата за прав и цврсто да се запечати. Во случај кога правосмукалката работи послабо, на гумата ќе има формирани наслаги од прашина, кои на некои места се дебели и до 1 милиметар.
2. Поради тоа двете гуми не се лепат една до друга и моторот наместо да влече воздух низ цревото за вакуум, влече воздух помеѓу овие две гуми, што значително ја намалува моќта на чистење.
3. Истото може да се случи и кај гумениот дел од вреќата за прав.
4. Претпоставувате дека решението е едноставно. Со влажна крпа отстранете ги тврдите наслаги од гумената заптивка.
5. Направете го истото и на кесите за прашина.
6. После тоа потребно е да се исчистат филтрите, кои значително се валкаат по долготрајна употреба на правосмукалката.
7. Извадете го филтерот за вшмукување од фиоката.
8. Направете го истото со филтерот што го прочистува воздухот што излегува од правосмукалката.
9. Прво добро протресете ги двата филтра, а потоа измијте ги со вода и детергент (можете да ставите и нови доколку имате).
10. По сушењето вратете ги филтрите.
11. Кога ќе ја вклучите правосмукалката, ќе видите дека повторно работи како нова - добро всисува и не се прегрева.
Тоа е сѐ што можете да направите за да ја подобрите вашата стара правосмукалка. Доколку и натаму е „непослушна“ можеби едноставно е време за нова.