Малку работи на светот причинуваат повеќе стрес од интервју за работа. Дури и ако сте совршено квалификувани за работата, постои нешто што можеби случајно ќе го кажете за да си ги уништите шансите за работното место.
Сепак, истражувањата велат дека од сите работи кои влијаат на добивањето на работата, најмногу штетно може да се покаже нешто што се случува уште пред да дојдете на интервјуто.
Според Simply Hired, 93% од работодавците кои учествуваат во истражувањето велат дека доцнењето на интервјуто за работа е најголем доказ дека таа личност не ја заслужува работата.
„Во коренот на состанокот за интервју за работа е тоа дека тој се одржува како договор помеѓу мене и потенцијалниот работник. Ако таа личност не е во состојба да го испочитува првиот договор помеѓу нас двајца, веројатно нема да може да ме импресионира во понатамошниот тек од заедничката работа“, вели Вилијам Вандерблумен, основач и директор на Wanderbloemen Group.
Постојат начини на кои лицето кое треба да биде интервјуирано може да се извади од ваква ситуација, како на пример, ако се јави однапред да каже дека ќе доцни или нема да се појави. На крајот на краиштата, сообраќајниот метеж и временските услови не се нешто кое зависи од моќта на еден човек.
Благодарение на Simply Hired, во листата подолу можете да ги видите работите кои најмногу ги нервираат работодавците кај лицето кое го интервјуираат, што пак резултира во намалени шанси за добивање на работата:
- Доцнење на интервјуто за работа – 93%
- Жалење од било што, негативно расположение – 92%
- Доаѓање недоволно подготвен – 89%
- Критикување на поранешниот работодавец – 88%
- Критикување на поранешното работно место – 87%
- Печатни и граматички грешки во CV или мотивационо писмо – 86%
- Користење на несоодветен речник за време на интервјуто – 84%
- Имање на превисоки барања за плата – 84%
- Недоволни квалификации за работното место – 80%
- Неточно одговарање на поставените прашања – 77%
