На прв поглед двата изгледаат идентично, но иако се слични, вкусот се разликува. Како и името - се разбира.
Она што кај нас е познато како кроасан доаѓа од францускиот јазик, или како што Французите го викаат - croissant. За Италијанците тоа е корнето (cornetto), односно бриош (brioche) во северните делови на земјата.
И двата вида се подготвуваат речиси идентично, со таа разлика што Италијанците користат и јајца, додека во францускиот рецепт недостасува оваа состојка која се чини клучна за разликата и на вкус и во текструра.
Состојки за корнето:
- брашно
- путер
- вода
- млеко
- јајца
- шеќер
- сол
- квасец
Вака подготвен, италијанскиот корнето е мек, со повеќе шеќер и путересто тесто со погусти набори.
Состојки за кроасан:
- брашно
- путер
- вода
- млеко
- шеќер
- сол
- квасец
А, пак, францускиот кроасан без јајца е лиснат, саќест, крцкав, путерест и со ронливи набори.
При вкусување, разликата која се приметува е тоа што италијанскиот е поблаг, додека францускиот понеутрален.
