Бил Гејтс, Џек Ма и Илон Маск се меѓу визионерите кои го применуваат „правилото од 5 часа“.
Деловниот магазин CEO пишува дека таткото на американската нација, Бенџамин Френклин, бил првиот кој го применувал ова правило. Фокусот на концептот е едночасовно учење во текот на денот. Освен тоа, Френклин бил посветен и на експериментирање за да оствари личен напредок.
Во 1758 година Френклин изјавил дека најмногу се исплати да се вложи во знаење. Мајкл Симонс, основач на компанијата Empact, разработил „правило на пет правила“. Идејата е да се минува 5 часа неделно или по 1 час секој работен ден во учење, читање на нешто ново.
Така, воопшто не е ни чудно што многу бизнисмени го прифатиле ова правило. Еден од нив е и Бил Гејтс кој годишно чита повеќе од 50 книги. Милијардерот Ворен Бафет дневно чита по 6 часа, додека повеќето полнолетни Американци во просек читаат 20 минути дневно.
Како да го примените ова правило?
Примената подразбира да минете 1 час дневно или 5 часа неделно во учење или стекнување вештини. Дневно да се чита 1 час, секој ден да се води белешки за тоа што се смета за важно, па идеите да се применат за да се сфати кои од нив се добри, а кои не, пишува магазинот CEO.
