Се покажа дека редовното одење во сауна ги има истите придобивки како и правењето кардиоваскуларни вежби, вклучително и продолжување на животот, се вели во студијата објавена во списанието Experimental Gerontology.
„Забележав дека користењето сауна навистина има големо влијание врз моето расположение и способност да се справам со вознемиреноста и стресот“, вели д-р Ронда Патрик, еден од авторите на трудот.
Сега има сауна во својата куќа и целта ѝ е да прави третмани четирипати неделно. Само од две препотувања дневно, веќе ги видела придобивките што ги наведува.
„Користењето сауна делува за спречување на деменција, депресија, намалување на воспалението и зголемување на мускулната маса, како и исфрлање на токсините од телото. Сепак, може да се претера“, предупредува Патрик.
Ако неодамна сте имале срцев удар или имате проблеми со срцето, разговарајте со вашиот лекар пред да користите сауна и не заборавајте да пиете многу вода.
„Се потите во сауна, од внатрешните органи и од кожата. Тоа е неверојатен и популарен начин за детоксикација во руски стил. Кога ќе завршите, се чувствувате како нова личност“, вели таа.
Финската сауна е погодна за сите луѓе, освен за мали деца и бебиња и луѓе со сериозни здравствени проблеми како што се срцеви заболувања или отворени рани по телото. Температурата на финската сауна е од 70°C до 100°C, додека влажноста се постигнува со истурање вода врз топли камења.
Традиционално, Финците сметаат дека сауните се исклучително важни при донесување многу одлуки и поврзување со саканите во животот, а комичната поговорка вели дека во Финска, поважни одлуки се донесуваат во сауна отколку на состанок.