На 40-годишна возраст, Златан Ибрахимовиќ постигна осум гола во 27 настапи оваа сезона и асистираше за уште три гола за Милан, со кој ја освои титулата на Италија.
Иако професионалниот живот на фудбалерите е продолжен, фасцинантно е што еден од најдобрите напаѓачи во историјата сè уште игра на највисоко ниво.
Gazzetta dello Sport пишува што прави Ибрахимовиќ за да биде во таква состојба.
Тие истакнуваат дека пурата што ја имал за време на прославата е всушност исклучок.
„Ибрахимовиќ следи строг план за исхрана со многу тренинзи, возење велосипед и теквондо“, рече Gazzetta dello Sport.
„Ја проучува исхраната до најмалите детали. Јаде бело месо, овошје и зеленчук, не јаде замрзнати производи или сладолед. Потребните јаглехидрати ги добива од житариците, а целосно ги избегнува рафинираните шеќери.“
Ретко се оддава на пица, а само еднаш неделно се почестува со јадење кое не се вклопува во планот.
„Се чини дека Швеѓанецот го мери секој грам. Перфекционист“, рече Gazzetta dello Sport, додавајќи дека Ибрахимовиќ бил многу несреќен во ПСЖ поради тоа што немало овошје и зеленчук, што се променило по негово барање.
