Театарот „Сенки и облаци“ го организира мултимедијалниот перформанс за млади „ГРАфитиМУзикаСЕнки“, што ќе се одржи во четврток, 9 септември во 19 часот.
Настанот, поддржан од од Град Скопје, ќе се одржи пред театарот „Сенки и облаци“ во Дебар маало (до Наџак, спроти Лајка).
„Уметноста е птица која не познава граници, но и црвче кое копка одвнатре кога нема публика наоколу. Пандемијата нè оддалечи, но уметноста нè зближува! Бидете наша публика! Повелете на мултимедијален пеформанс кој преку спонтани сесии со нашите ментори за цртање графити, музика во живо и игра со сенки зад белото платно ќе понуди една поинаква вечер за младите во Дебар маало“, порачуваат организаторите на „ГРАфитиМУзикаСЕнки“.
Влезот на настанот е бесплатен, а активностите ќе се одвиваат согласно актуелните КОВИД протоколи за настани.
