Астрологијата е забавна, но дали опсесивното следење на хороскопот може да направи повеќе штета отколку корист?
Луѓето треба да најдат нешто што ќе им помогне да се ослободат од лошите емоции, според д-р Пола Хоукмаер, клинички терапевт. Астрологијата или читањео тарот карти им овозможува на луѓето да ги проектираат своите несвесни мисли на нешто врз кое немаат контрола. Еден од основните елементи на тарот картите и астрологијата е гледањето кон иднината. Тие нудат мапа за тоа како најдобро да се организираат работите што ќе се случат.
„Ова е особено важно денес, кога има пандемија и иднината е неизвесна“, вели Хоукмаер.
Астрологијата влијае на свеста
Рефлективната природа на астрологијата им помага на луѓето да ја разбудат својата свест и да ја разбудат свеста за тековните аспекти на животот. Ова е токму она што ќе им овозможи на луѓето да направат пауза, да размислуваат за желби за иднината, минати борби и тековни аспирации. „Годината што измина беше тешка и ни недостасуваат многу одговори“, вели д-р Хоукмаер.
Астрологијата се фокусира на позитивното
Хороскопот се фокусира на позитивни настани и токму тоа го бараат оние што сакаат одговори за тоа што ги чека во иднина. Тие често бараат потврда што ќе ги увери и ќе им даде утеха. Но, експертите сметаат дека токму она што му недостасува на хороскопот – важното индивидуално откритие и објективност – е она што може да го пружи психотерапијата. Иако многумина сметаат дека астрологијата е нешто за кое може добро да се насмеете, таа всушност е длабоко вкоренета во психотерапевтски формулации и психологија, вели д-р Хоукмаер.
Астрологијата може да го поттикне разговорот на терапија
Астрологијата е таа што може да биде одлична тема за вовед во терапија, може да даде насоки за тоа што сакаме во животот. „Сите одговори од астрологот може да ги донесете кај терапевтот кој може да помогне во индивидуалните желби за промена во насоката кон којашто сака да се движи пациентот“, додава таа и верува дека токму хороскопот може да му открие на терапевтот што сака пациентот.
Кога астрологијата може да биде непожелна?
Важно е да се запамети дека астрологијата нема никаква врска со основната когнитивна и биолошка психологија. Менталните проблеми треба да ги реши лекар. Може да биде проблематично ако некое лице кое користи само астрологија за терапија, страда од, да речеме, тешка депресија. Секој со слична дијагноза не треба да ја користи астрологијата како терапија бидејќи во некои случаи тоа може само да го зголеми нивниот проблем.
Астрологијата не е замена за терапија
Друг пример за тоа кога астрологијата може да направи повеќе штета отколку корист: Некој кој има шизофренија и страда од параноични мисли, може да ги користи податоците на деструктивни начини, вели д-р Хоукмаер. Иако терапевтот може да го поддржи клиентот во користењето на астрологијата надвор од терапијата, општо земено, луѓето честопати бараат поддршка од терапевтот бидејќи нивните потреби не се задоволуваат со читање карти или ѕвездени шеми.
„Терапевтите сепак ќе користат научно докажани методи за да му помогнат на пациентот, а тоа не може да се каже за некој што нуди решенија преку хороскоп“, додаде докторот.
Луѓето можат да ги користат и двете за да научат што ги мотивира. Исто така е важно терапевтот да ги разбира нетрадиционалните методи на лекување што се користат во културата на неговиот пациент, бидејќи тоа во голема мера ќе влијае на најдобрата грижа за поединецот.