Ник Норвиц, студент на Медицинскиот факултет на Харвард, решил да изеде 720 јајца во еден месец за да види каков ефект ќе има врз неговиот холестерол.
На крајот на месецот, мажот од Бостон открил дека нивото на холестерол му паднало за 20%.
Норвиц конзумирал 24 јајца дневно во текот на еден месец. Ги јадел на секакви начини - пржени, варени, кајгана или омлет.
„Јајцата се доста разновидна храна, па нивното подготвување на различни начини беше доста пријатен експеримент. Не беше толку тешко“, рече тој.
Првите две недели избегнувал јаглехидрати, а следните две ги консумирал.
„Очекував дека моето ниво на холестерол нема да се промени само со додавање јајца - и тоа се случи“, додаде Норвиц.
Кога додал јаглехидрати, нивото на холестерол му паднало поради метаболички промени откако се прилагодил на исхрана со малку јаглехидрати. Клучната работа што ја научи од овој експеримент е дека не постои нешто како „најдобра“ исхрана.
„Кога проценувате што е добра исхрана за некоја личност, мора да го земете предвид нивното основно метаболичко здравје, како и нивните цели“, објасни тој за Fox News Digital.
Норвиц рече дека планира уште многу експерименти за промовирање на свеста и знаењето за тоа како храната влијае на телесните функции и целокупното здравје.
