Ако јадете киви секое утро, според некои истражувања, можете да спречите згрутчување на крвта и нивото на триглицериди во крвта за дури 15 проценти, што го спречува таложењето наслаги на ѕидовите на артериите и го штити здравјето на срцето и крвните садови.
Ако сакате да јадете киви, имаме добри вести за вас. Секојдневното консумирање на ова овошје има неколку здравствени придобивки.
Кивито се смета за суперовошје - полно е со антиоксиданси, витамин Ц, калиум, фолна киселина, полифеноли (фенолна киселина) и растителни влакна.
Кивито, исто така, го подобрува варењето на неколку вообичаени протеини од храната, вклучувајќи го и тешко сварливиот протеин казеин/натриум казеинат (млечен протеин) и протеинот на говедскиот мускул, особено неговата главна компонента, актинидин, ензим кој ги разложува протеините во амино киселини.
Исто така го ублажува запекот. Иако многу луѓе знаат за придобивките од кивито како овошје, преовладува мислењето дека неговите моќи како природен помошник на дигестивниот систем често се занемаруваат.
Освен тоа, кивито има способност да го спречи оштетувањето на ДНК, а познато е дека оксидативниот стрес со неговите последици врз ДНК е фактор на ризик за рак на дебелото црево.