Сигурно не треба да ве потсетуваме колку е важно да бидете физички активни, првенствено за вашето здравје, а секако и за кондиција и добар изглед.
Долго време се дебатира околу ефикасноста на правењето 10.000 чекори дневно за здрав живот и слабеење, додека некои ќе ви кажат дека без трчање нема слабеење,
Јутјуберот Џексон Дежарден пред неколку години успеа да си го трансформира телото. Пешачењето му помогнало да изгуби 50 килограми и да го доведе телото во форма.
„Пешачењето е една од моите омилени активности. Тоа е одржливо“, вели тој во видеото што го објави на YouTube.
Дежарден вели дека лесно е да се направат 10.000 чекори дневно ако имате големо и активно куче.
„Пешачењето ќе го направи посреќно, а вие ќе бидете поздрави. Тоа е одличен начин да добиете витамин Д“, додаде тој.
И дури и ако немате куче, можете да пешачите. Заменете го патувањето со јавен превоз со пешачење.
Наместо да поминува еден час дневно во пешачење, Дежарден препорачува три или четири пократки прошетки од 15 минути секој ден.
Горан Винблад, пак, се осмели да се соочи со многу тежок предизвик. Тој трчаше секој ден во текот на една година и сфати дека тоа поволно влијае на неговото психичко и физичко здравје.
„Дури и да трчам само 10 или 20 минути, работам подобро и повеќе сум фокусиран на работата, доколку денот го започнам со физичка активност“, вели тој.
Оттогаш, тој ја продолжи оваа серија и трчаше цели 850 дена без ниту еден слободен ден.
„На некој кој штотуку почнал да трча, дефинитивно не би препорачал да го прави тоа секој ден бидејќи трчањето врши притисок врз зглобовите, мускулите и тетивите. Но, тоа не значи дека е лошо за вас, туку само треба да му даде време на вашето тело да се прилагоди и да станете доволно силни“, објасни тој.
И самиот сфатил дека му треба пауза. Затоа, по ова искуство, тој претпочита активно закрепнување.
„Нашите тела побрзо закрепнуваат ако ги стимулираме мускулите, а тоа го правиме користејќи ги. Затоа гледам дека пократките и полесни тренинзи подобро го обновуваат моето тело отколку воопшто да не се движам“, заклучил тој.