Додека Кристијано Роналдо (36) се соочуваше со елиминација на Португалија против Белгија (1:0) во четвртфиналето на Евро, неговата свршеница Георгина Родригес (27) беше во центарот на вниманието на трибините во Севилја.
Во првиот ред на ложата, манекенката го бодреше својот избраник заедно со синот на Роналдо, Кристијано Џуниор, а во еден момент камерата се фокусираше и малку повнимателните гледачи можеа да забележат необичен детаљ на задниот дел од нејзиниот градник.
Мала антена излегуваше над работ на маичката и многумина се прашуваа за што станува збор.
Според Bild, девојката на Роналдо била опремена со безжичен микрофон, заради снимањето на документарен филм во продукција на Netflix за животот на гламурозната двојка, во кој Георгина е во преден план.
Снимките треба да откријат некои детали од нивниот приватен живот, а очигледно ќе бидат емитувани снимки од натпреварите на Европското првенство, каде атрактивната манекенка го бодреше Роналдо.
Георгина и Кристијано Роналдо се запознаа во 2016 година и оттогаш се пар. Врската беше официјализирана во јануари 2017 година, а на 12 ноември 2017 година тие ја добија ќерката Алана Мартина.
Покрај нивната ќерка, Роналдо го има и синот Кристијано Џуниор (10) и близнаците Ева Марија и Матео (4).