Ако и вие сте меѓу оние кои поради пандемијата веќе подолго време работат од дома, сигурно сте забележале дека сè помалку се движите, а повеќе време минувате седејќи.
И веројатно веќе сте чуле за ефектите од долготрајното седење, но еве уште неколку нус појави кои може да ги искусите откако одеднаш почнете помалку да се движите, за разлика до претходно.
Кога вашата секојдневна рутина на движење ќе запре, може да очекувате дека ќе станете помалку издржливи особено ако движењето не го замените со други облици како вежбање, смета физиотерапевтот Сем Бекортни од Њујорк.
Ако вашиот кардиоваскуларен систем не добие ист секојдневен поттик, може да имате тешкотии во извршувањето на секојдневните активности како чистење на домот, готвење и слично.
За да ја одржите кондицијата и здравјето на срцето, секојдневно би требало да правите околу 150 аеробни вежби со умерен интензитет, порачуваат од Центарот за контрола и превенција на болести. Ако не можете тогаш прошетајте, возете велосипед, вежбајте.
Пешачењето е одличен начин за опуштање на вкочанети колкови. Намалувањето на минати километри во комбинација со долготрајно седење може да доведе до болки во колковите, пишува Franciscan Health.
„Генерално, ако предолго останеме во некоја положба, на нашето тело тоа нема да му се допадне па ќе почувствуваме вкочанетост. Колковите првите делови на телото на кои ќе ги почувствувате последиците од престанување на движењето“, вели Бекортни.
Долготрајното седење не е најдобрата работа за држењето на телото и здравјето на грбот. Затоа, ако вообичаената рутина на одење сте ја замениле со подолги периоди на седење, може да почувствувате болки во долниот дел на грбот.
По ненадејна пауза во рутина на движење, нема да ви биде лесно да се вратите на пешачење или трчање на подолги релации. Продолжувањето на рутината може да предизвика болки во стапалата или глуждот.
Според клиниката Mayo, пребрзото зголемување на нивото на активност по неактивност често е причина за повреди. Постепеното враќање е најбезбедниот пат кон успехот, пишува Livestrong.