Јајцата се основна намирница за многу оброци, а нивното исфрлање од секојдневната исхрана може да влијае на вашето здравје.
Без разлика дали ги сакате подготвени како кајгана, тврдо варени или пржени, јајцата се основна намирница во секое домаќинство.
Што може да се случи ако целосно ги исфрлите од исхрана?
Почесто ќе чувствувате глад
Иако со избегнувањето јајца ќе го намалите бројот на внесени калории, тоа би можело да резултира со чувство за помалку ситост по оброкот.
Јајцата се богати со протеини, а тоа го поттикнува чувството на ситост. Ако јадете помалку протеини, поголема е веројатноста дека ќе почувствувате глад и желба за храна кратко време по внесениот оброк, објаснуваат нутриционистите.
Ќе почнете да внесувате покалорични оброци
„Кога луѓето ќе се откажат од јајца, обично јадат покалоричен појадок. Ако не јадат јајца се одлучуваат за повеќе житарки, кифлички, печива и други намирници богати со јаглехидрати“, објаснува нутриционистот Џоди Грибел.
Може да изгубите мускулна маса
Ако од исхраната го исфрлите главниот извор на протеини, како јајцата, значи дека вашите тренинзи со текот на времето би можеле да станат помалку ефикасни.
Нивото на холестерол можеби нема да се промени
Иако јајцата се извор на диетален холестерол, целосното исфрлање јајца можеби нема да го подобри нивото на холестерол како што очекувате, пишува Eat This, Not That.
„Само околу 20 проценти холестерол во крвта доаѓа од тоа што го јадеме. Останатите 80 проценти ги произведува црниот дроб“, објаснува нутриционистот Дијана Гариљо-Киланд.
Тоа значи дека за холестеролот во крвта големо влијание има генетиката.