Што може израелскиот антиракетен систем „Железна купола“?

МИА/КАЈГАНА
/ 16.05.2021 / 09:29

„Железна купола“ – е името на израелскиот противракетен систем, кој последните денови се користи како никогаш порано. Што може да стори овој одбранбен систем? Како работи и колку чини?

Од почетокот на новата ескалација на насилството меѓу Израелците и Палестинците, постои посебен интерес за видеа споделени на интернет кои ја покажуваат ефикасноста на израелскиот ракетен систем „Железна купола“ (Iron Dome). Овие содржини се прегледани стотици илјади пати на социјалните мрежи. И особено оние од средата навечер, кога Тел Авив се најде под силен оган. Овие видеа покажуваат како десетици светла го осветлуваат ноќното небо над градот, придружено со заглушувачки експлозии.

Како функционира „Iron Dome“?

Животно осигурување за Израелците – вака се нарекува противвоздушниот систем Железна купола на социјалните мрежи. Овој одбранбен систем се состои од радарска станица и контролен центар што открива опасност што се приближува, како што е истрелана ракета, веднаш по лансирањето и ја пресметува нејзината траекторија. Сето ова се случува за неколку секунди. Но, и нема повеќе време, бидејќи во зависност од локацијата во Појасот Газа, каде што е истрелана ракетата, Израелците имаат време од 15 до 90 секунди да најдат безбедно засолниште.

Третиот елемент на системот се ракетни фрлачи. Една одбранбена единица има три до четири такви инсталации, секоја со простор за 20 ракети пресретнувачи. Сепак, одбранбена ракета се испукува само ако постои опасност ракета да се приближи да погоди станбена област. Во воздухот, ракетите пресретнувачи можат да се контролираат и можат да се промени нивната траекторија. Тие не ја погодуваат целта директно, туку експлодираат во непосредна близина на неа и со тоа ја елиминираат. Сепак, ова значи дека паѓањето на остатоците може да предизвика штети на тлото.

Remote video URL

Одделни единици за одбрана се мобилни и можат да се преместат од едно на друго место. Во Израел во моментов има десет такви одбранбени системи. Според производителот – израелската државна компанија за вооружување „Рафаел Дефенс Системс“, таквата батерија може да обезбеди заштита за град од средна големина. Системот може да пресретнува ракети на растојание до 70 километри. Експертите проценуваат дека се потребни 13 противракетни системи за покривање на целата територија на Израел.

Израел користи и други системи за одбрани – Железната купола е дизајнирана да пресретнува и елиминира ракети со краток дострел.

Колку е ефикасен системот?

Производителот на системот му дава стапка на успех од 90 проценти. Шефот на противракетната одбрана, Моше Пател, за агенцијата Франс Прес изјави дека во последните десет години откако системот бил во функција, повеќе од 2.400 ракети биле пресретнати со негова помош. „Секоја пресретната ракета можеше да погоди станбена област и да предизвика сериозни материјални и човечки штета“, се наведува на сајтот на израелските вооружени сили.

Според израелската армија, повеќе од 1.000 ракети биле испукани на израелска територија од почетокот на сегашната нова ескалација на насилството, од кои околу 200 се паднати во Појасот Газа (во моментот на објавување на текстот на Дојче веле н.з.) Радикалната организација Хамас се чини дека се потпира на следнава стратегија: да лансира повеќе ракети една по друга за да ја тестира Железната купола, па дури и да ја доведе до нејзините граници.

Remote video URL
Колку чини одбраната?

Според израелските медиуми, секоја од ракетите пресретнувачи чини околу 66.000 евра. Ова е причината зошто ракетите се истрелуваат само кога постои опасност од удар на станбени области.

Системот е развиен со финансиска помош од САД. Во меѓувреме, Американците купија два одбранбени системи „Железна купола“ од Израел.

реклама

КАЈГАНА во Букурешт: Ечи македонската химна, навивачите подготвени да ги бодрат „рисовите“

Read more

Што е еректилна дисфункција и како се лекува овој проблем што ги мачи мажите?

Read more

Бајден го прекрши кралскиот протокол на средбата со Елизабета Втора

Read more

Три хороскопски знаци кои не знаат како да бидат сингл

Read more

Свет

Вооружена Палестинка убиена на контролен пункт на Западниот брег

Read more

Путин: Бајден е радикално различен од Трамп

Read more

Американците работат на базука која убива дронови

Read more

Ким Џонг Ун: Северна Кореја е на готовс

Read more
 

Вести

Дел од автобусите во Скопје ќе сообраќаат по изменети траси

Читај повеќе

Вооружена Палестинка убиена на контролен пункт на Западниот брег

Читај повеќе

Продолжени актуелните правила за влез во Грција

Читај повеќе

Заев: Извозот на сув цвет од канабис за медицински цели за пазарите во ЕУ станува реалност

Читај повеќе

Претпладне облачно, попладне нестабилно со локален пороен дожд, грмежи и ветер

Читај повеќе

Османи: ФФМ не е државна институција и нема обврски од Преспанскиот договор

Читај повеќе

Во понеделник почнува уписот во средно образование

Читај повеќе

Дневен КОВИД биланс: 21 нов случај, еден починат и седуммина оздравени

Читај повеќе

Путин: Бајден е радикално различен од Трамп

Читај повеќе