Сите имаме неколку работи во кујната кои стоеле таму „отсекогаш“ или трупаме чаши што ги добивме на подарок. Сега е вистинско време да се направи ред во кујната и да се исфрли вишокот.
Можеби едно сте добиле кога сте биле со колегите на тим билдинг, друго кога сте биле на спортски натпревар, трето на промоција и тн. Веројатно имате повеќе шишиња за вода отколку што навистина ви требаат. Зачувајте ги оние што ги користите вие и вашето семејство, а останатите подарете ги или донирајте ги.
Шолјите и чашите за кафе се една од работите што се множат „сами“ во кујната. Тие се едни од најчестите подароци, особено во канцеларии, а други сакаат да подаруваат чаши со пораки како: најдобра мајка, тато, син, ќерка... Бидејќи многу луѓе сакаат сами да си одберат и купа чаша, овие другите најчесто завршуваат поттурнати во задниот дел на кујнските елементи и не се користат речиси никогаш. Изберете ги оние што ви се најдраги, а останатите подарете ги, искористете ги како саксии, донирајте ги или едноставно фрлете ги ако се оштетени. Истото важи и за вишокот прибор за јадење.
Сигурно сте се соочиле со оваа ситуација. Имате многу пластични садови, но на некои им ги нема капаците, или имате само капаци, без садови. Организирајте ги пластичните садови и оние кои не можете да ги користите, фрлете ги во контејнер за селекција на пластичен отпад.
Совети и мапа за селекција на отпад може да најдете ТУКА.
Можеби имате неколку скршени чинии или чаши без рачка, изгребани тавчиња и стари тенџериња. Ако можете, најдете им друга намена (најчесто како саксии), во спротивно фрлете ги бидејќи оштетувањата чест може да бидат и опасни по здравјето ако подготвувате или јадете храна од нив.
Ако ви е тешко да се ослободите од малите кујнски апарати, правилото на две години може да биде добар водич. Ако не сте користеле некој уред најмалку две години, постои голема можност да не го користите никогаш и само ви зафаќа место. Подарете го или донирајте го.
БОНУС СОВЕТ: Многу домаќинства во своите домови складираат нефункционална отпадна електрична и електронска опрема, не знаејќи дека таа има негативен ефект врз нивното здравје. Голем дел од таа опрема во себе содржи жива, фреон, течни отровни кристали, жива итн. Овој вид на отпад е токсично наследство на нашата дигитална ера и многу брзо успева да ја загади водата, почвата, воздухот... Според Законот за управување со електронски отпад, физичките лица не смеат да ги фрлаат старите електронски уреди заедно со останатиот комунален отпад, туку треба да ги остават на соодветни локации обележани за ее-отпад. Овие корпи за одлагање на електронски отпад најчесто ги има на места каде што се продава електрична и електронска опрема (Извор: ekocentar97.mk)
Во задните делови на кујнските елементи и фиоки ќе најдете зачини, супи во кесичка, прашок за печиво, ванилин шеќер, пакувања солени грицки и слично, на кои одамна им поминал рокот на траење. Нема друго решение освен да ги фрлите и да почнете да пазарите паметно. И секако, да ја организирате кујната.
