Бајден и Зеленски телефонски разговарале за кризата во Украина.
Американскиот претседател Џо Бајден во телефонски разговор со украинскиот лидер Володимир Зеленски ја потврдил подготвеноста Вашингтон одлучно да одговори ако Русија изврши инвазија на Украина, соопшти синоќа Белата куќа.
Бајден исто така му рекол на Зеленски дека САД ја испитуваат дополнителната макроекономска поддршка за да се помогне на украинската економија среде притисокот од бројни руски трупи, се додава во соопштението, пренесе Reuters.
Претходно, украинскиот претседател соопшти дека со американскиот претседател Џо Бајден во телефонски разговор ја дискутирале ситуацијата со Русија и можноста за финансиска помош на Украина.
