Што направив за феминизмот?

Движењата за социјална правда може да генерираат длабоки и трајни промени кои промената на политиката и развојните интервенции сами по себе не можат да ги постигнат. Меѓутоа, во многу случаи, правата на жените и родовата правда остануваат ниско на листата на приоритети на движењата, дури и кога жените се активни членови.

"Girls girls girls". By CJ CalandayCreative Commons BY NC ND

Феминизмот значително ја промени позицијата на жените во однос на статусот што го имаа во општеството пред појавата на феминистичката идеологија. Феминизмот се обиде да го зачува таквиот еманципаторски карактер преку трите бранови во кои се појави. Во првиот бран, жените навлегоа во јавната сфера и се бореа за еднаквост заедно со мажите. Добивањето правна еднаквост во формална смисла не значеше и вистинска еднаквост. Воспоставените општествени норми и општествено конструираните родови улоги на жените се менуваа многу потешко и побавно.

Од таа причина почна уште еден феминистички бран. Под влијание на деконструкцијата и постмодернизмот, феминизмот во третиот бран се испреплетува со родовата идеологија. Ова го оддалечи од неговата примарна цел за борба против доминацијата и подеднаков пристап до јавната сфера. Изразената сексуализација на жените во медиумите покажува дека општеството не еволуирало многу во поглед на нивно потценување и омаловажување. Агресивноста на таквата содржина јасно сугерира дека феминизмот е процес на постојана борба, а не конкретна победа, вели Дамирка Михалјевиќ во воведот на трудот „Феминизам – што постигна?“

Можам да продолжам да наведувам бројни студии, истражувања, анкети и цитати од луѓе на кои им е повеќе од јасно која е целта на феминистичкото движење и зошто „феминист/ка“ е етикета со која треба гордо да се носиме. Но, она за кое сакам да зборувам денеска, на овој 8 Март, е декларативноста наспроти делата. Не ми е намерата да пишувам некаков прирачник како да се биде добар поборник за феминизмот, ами преку преиспитување на сопствените дела и примерите околу мене, да видам до каде сум (по)стигнала јас и што уште можам (и можеме!) да направиме.

Борбата за економска, социјална и политичка еднаквост е секојдневна, потребна, повеќеслојна, повеќезначна, напорна работа која иако понекогаш се чини како Сизифов труд, сепак е инспиративна и инспирирана. И додека Тања Кокс прашува „Дали е време за феминистички пристап во надворешната политика на ЕУ“, се прашувам што правам во моите секојдневни постапки, зборови и избори, за да ја поддржам, покажам и поткрепам идејата и реалноста на феминизмот?

Дали работам на одучување на навидум безопасните стереотипи што ни ги вгнездил патријархатот во врска со женските пријателства, соработка, конкурентност и солидарност?

Дали учам да учам како да им дадам на жените комплименти кои не мора да се поврзани со физичкиот изглед и/или реализирањето во улогата на мајка?

Дали во мојата улога на конзумент одлучувам финансиски да поддржам брендови, компании и индивидуалци кои вистински се залагаат за еднаквост, рамноправност, ги плаќаат исто нивните машки и женски вработени?

Дали (финансиски) поддржувам брендови основани од жени? Дали барам отчетност од брендовите кои традиционално вработуваат повеќе жени во нивната работна сила?

Дали реагирам на системската мизогинија или говорот на мизогонија и насилство врз жените?

Дали препознавам и премолчувам мизогинија?

Дали се едуцирам да бидам подобра феминистка, а со тоа и подобар член на општеството?

Дали препознавам и споделувам информации за состојбата на жените кои се проверени и непристрасни?

Дали избирам партнер кој не се плаши од феминизмот и со кој (ќе) воспитуваме деца не во форматот на патријархатот, ами во духот на феминизмот како борба за економска, социјална и политичка еднаквост?

реклама

Лекар советува каков чај да пиете за намалување на крвниот притисок

Read more

Кога почнува староста?

Read more

3 едноставни чекори како да ослабите 10 килограми

Read more

Дали Камила ја стигна кармата за она што ѝ го направи на Лејди Ди?

Read more

Теми и коментари

Ден на планетата Земја: Како со нашите модни избори гласаме за иднината?

Read more

Зошто смртната казна нема да спречи свирепи убиства?

Read more

Зошто театарот ни е потребен повеќе од кога било?

Read more

Моќта на гласачкото ливче: 5 причини зошто треба да гласате

Read more
 

Ново

Ковачевски падна

Читај повеќе

Шефицата на француската крајна десница ѝ го врти грбот на германска AfD

Читај повеќе

Чаби Алонсо: Не ни беше судено

Читај повеќе

Сончево време со температури до 28°C

Читај повеќе

14 пратеници: Коалицијата „Вреди“ добила пратеник повеќе во однос на Европскиот фронт по прегласувањето

Читај повеќе
  • play_arrow

Дајте ж'та, дајте црно тиквешко - куп пехарот оди во Кавадарци

Читај повеќе

Јокиќ ќе игра за Србија на Олимпијадата

Читај повеќе

ДСЗИ влезе во Токсикологија: Спорните договори за вработување се само со потписот на Иљази

Читај повеќе

Продажба на автомобили во ЕУ: Дизел и електричните автомобили се речиси изедначени

Читај повеќе