Појадокот е најважниот оброк во денот, тоа не мора да ве потсетуваме. Освен кафе, треба да одвоите неколку минути наутро за да си подготвите хранлив, енергетски и здрав појадок со кој ќе го почнете денот.
Храната што ја јадете наутро може да влијае врз вашето расположение во текот на целиот ден. Треба да внимавате бидејќи постојат одредени намирници кои не треба да ги консумирате за појадок.
Житарки
Некои житарки содржат многу шеќер, а тоа не е добро за вашето тело. Повеќето житарки имаат мал процент на протеини и влакна, па затоа треба да ги избегнувате.
Палачинки и слатки печива
Нивото на шеќер во ваквите производи е огромно. Шеќерот е најлош начин за почнување на денот затоа што резултира со нагло зголемување на шеќерот во крвта. По кратко време ќе огладнете, а со текот на времето ќе го зголемите ризикот од дебелеење и дијабетес.
Сувомесни производи
Сувомесните производи содржат нитрати кои го зголемуваат ризикот од рак и затоа треба да ги избегнувате за појадок.
Здравиот појадок треба да се состои од протеини како што се јајца и свежо сирење, здрави масти од јаткасти плодови, авокадо, интегрален леб, овошје.
Исто така може да направите и зелено смути.
