Ако забележите дека имате проблеми на работа, тоа можеби нема никаква врска со начинот на кој вие таму функционирате, туку со начинот на кој спиете. Ова не се однесува на тоа колку долго спиете или на времето кога одите на спиење, туку на положбата во која спиете.
„Ако се разбудите во таканаречената положба на спиење фетус, вие сте се разбудиле на погрешната страна од креветот“, вели Ејми Кади од Универзитетот Харвард. Ејми е социјален психолог кој интензивно ја истражува моќта на говорот на телото.
Добра вест е дека не сте единствени кои спијат и се будат во положбата фетус. Околу 49 отсто од луѓето спијат во оваа положба. Ова е позиција за спиење, која ја применуваат луѓе кои се многу емотивни и чувствителни, а постојат повеќе жени кои спијат во оваа положба, во однос на мажи.
Кади вели дека спиењето во положбата фетус може негативно да влијае на вашиот успех, бидејќи потсвесно влијае на начинот на кој вие се гледате себеси.
„Во суштина, вашето тело влијае на вашиот ум, умот влијае на однесувањето, а однесувањето на исходот“, објаснува таа.
Едноставен пример за тоа се истражувањата кои докажаа дека можете да влијаете на себеси и да бидете среќни ако се смеете, токму поради таа поврзаност на телото и умот.
Слично на тоа, ако премногу време поминувате во положбата фетус (целите свиткани), вие потсвесно си испраќате сигнал дека немате или не сакате да имате лична моќ.
Меѓутоа, постојат работи кои можете да ги направите за тоа да се промени. Така, можете да вежбате да размислувате позитивно и да се убедите себеси дека само вие имате контрола над вас.
Ако сте подготвени за поголем предизвик, обидете се да ја промените положбата на спиење. Најдобра положба е со испружени раце и нозе, односно заземање на што е можно повеќе простор во креветот.