Следната генерација на моделот Superb на Škoda ќе донесе големи промени, како на екстериерот, така и во внатрешноста, пишува Auto Express.
Škoda ја претстави најновата Octavia и електричниот SUV Enyaq iV, но не заборави и на караванот и лимузината кои оваа година го прославуваат 20. роденден.
Четвртата генерација на Superb ќе има нов дизајн на екстериерот. Исто така, ќе добие и целосно нова внатрешност откако ќе се појави на пазарот во 2024 година.
Superb сè уште е базиран на модуларната MQB платформа на Volkswagen групацијата, но според новите фотографии ќе се разликува од Octavia.
Ќе го движи последната генерација на мотор со внатрешно согорување од VW групацијата, вклучувајќи ги 2,0-литарски бензин и дизел мотори кои ги задоволуваат стандардите. Новиот Superb ќе биде достапен и со нов plug-in хибриден погон.
