Кога ќе влезете во вашата канцеларија веројатно веднаш забележувате разлики во работните маси. Има такви кои се прилично уредни, чисти и без многу предмети, а има и такви преполни со хартија, шолји, украси, книги и слично.
Изгледот на работното биро може да открие многу за нечиј карактер.
Неуредно биро
Сите имаат барем еден таков колега познат по неуредното биро. Хартии, пенкала, кабли, писма, кутии, храна. На овие луѓе ништо не им смета додека работат. Таквите луѓе обично се екстровертни, пријателски настроени кон околината и љубезни. Обично се покреативни од останатите колеги.
Уредно биро
На колегите кои обично имаат уредно средено биро, без украси и детали, често им недостига креативност и отвореност кон другите. Сепак, се повеќе дисциплинирани од останатите, сакаат сè да им биде испланирано и ги исполнуваат обврските.
Биро со технологија
Слушалки, два монитори, тастатура, звучници, таблет и слично. Го знаете оној колега кој го има секој можен уред на своето работно биро? Веројатно тој е најкреативен од сите, но и најпријателски расположен.
Персонализирано биро
Семејни фотографии, украси со омилени бои, мирисливи свеќички, книги, убави тефтери, ова е дефинитивно описот на личност која е весела, има многу идеи, отворена е кон другите и е омилена меѓу колегите. Таквата личност се чувствува пријатно на своето работно место.
