Сите сме го „разубавувале“ своето работно CV кога прв пат сме барале работа или сме конкурирале за работно место за кое не сме биле најквалификувани.
Пред да стане позната ТВ-актерка и не ни сонувала дека ќе стане војвотка од Сасекс, Меган Маркл го правела истото.
TMZ го „ископа“ нејзиното CV од деновите пред да ја добие улогата со која се прослави – адвокатката Рејчел Зејн во серијата „Suits“.
Меган била млада, надежна актерка и немала многу среќа во наоѓањето ангажмани пред да ѝ тргне во кариерата со оваа улога, која ѝ донесе слава и евентуално доведе до тоа да се запознае со британскиот принц Хари.
Во нејзиното CV од овие „тешки денови“ пред славата, Меган има наведено неколку појавувања во филмови, вклучувајќи го филмот „A Lot Like Love“ со Ештон Качер во кој ја има неколку секунди, како и неколку ТВ-филмови.
Во „специјални вештини“ има наведено дека зборува шпански и француски јазик, како и англиски со јужњачки, аргентински и француски нагласок.
Исто така ја бива за балет, џез балет и степување. Меган додала и дека е одлична во кикбокс.