Кога ќе се запознаете со некого, еден од првите впечатоци што може да ги стекнете за него е според начинот на ракување.
Цврстиот стисок на раката остава впечаток на самоуверена и одговорна личност, а благиот укажува на тоа дека се работи за срамежлива, повлечена или едноставно незаинтересирана личност.
Во која било ситуација, цврстиот, но краток стисок на раката и контактот со очи може да откријат многу повеќе за личноста пред вас. Долгиот стисок, особено при прва средба, може да создаде непријатна ситуација. Предолгото одржување контакт со очите често предизвикува непријатност и чувство на неудобност.
Цврстиот стисок е израз на самодоверба, прв показател на расположение, сила и самоувереност. Начинот на кој одржувате контакт со очите при текот на ракување може да влијае на резултатот на состанокот, разговорот или средбата.
Ракувањето е важен невербален знак. Не мора да проговорите ни збор, стисокот на раката дава до знаење дали некој сака да воспостави контакт или не.
