Откако е објавено дека автомобил удри во оградата пред канцеларијата на германската канцеларка Ангела Меркел, се појавија и првите снимки на интернет.
На една од нив се гледа патнички автомобил опкружен од полицијата, а на некои фотографии се гледаат и специјално обучени кучиња кои проверуваат дали има експлозив.
На Twitter се појавија и фотографии од црн автомобил на кој пишува „Проклети убијци на деца и постари луѓе“, пред капијата на седиштето на канцеларката. Нема видливи траги од оштетување на капијата.
Reuters пренесе дека засега не се познати деталите од несреќата, а полицијата проверува дали автомобилот со натписот на десната страна „Престанете со политиката на глобализација“, а на другата страна „Проклети убијци на деца и постари луѓе“, има експлозив.
Сето ова се случи во моментот кога Меркел се подготвуваше да одржи виртуелен состанок со премиерите на покраините за да се разгледаат понатамошните мерки за спречување на ширење на коронавирусот.
