Со оглед на тоа каква е економската ситуација, килограм сезонско овошје стана вистински луксуз. Порано овошјето се купувало по килограм и се правело домашен џем или слатки, а денес наместо да јадеме домашни производи со лажица, ги купуваме „на лажица“.
Како да не кога пазарџиите велат дека откупната цена е катастрофална, а се принудени да ги зголемат цените за да го повратат сето она што го вложиле и да бидат на позитивна нула. Цените на сезонското овошје како капини, малини и боровинки поскапеа, како и сѐ друго.
Малините се препорачуваат за регулирање на крвниот притисок, функцијата на тироидната жлезда и простатата, за намалување на нивото на холестерол, за стимулирање на работата на цревата, против разни срцеви заболувања, цревни и стомачни инфекции.
Воедно, ова овошје е и вкусно и диетално, а се препорачува во исхраната и на болните и на потполно здравите луѓе.
Истражувањата покажаа дека елагичната киселина, која ја има во изобилство во малините, а особено како состојка во бобинките, го намалува развојот на некои форми на рак. Оваа киселина главно се внесува во телото во форма на елагитанин, во форма на растворливи соединенија кои лесно се ресорбираат.
Присутен е и во листовите и во плодовите на малините. Се верува дека само 125 gr малини дневно може значително да придонесе за здравјето и да го намали ризикот од малигни заболувања. Елагинската киселина не се уништува со замрзнување и термичка обработка, па затоа ја има и во џемовите, сирупите и компотите.
Поради изобилството на елагична киселина, јагодите се проучувани во многу медицински центри во светот. Експериментите на животни потврдија дека го спречува создавањето на рак на усната шуплина, белите дробови, хранопроводникот и црниот дроб. Со уништување на слободните радикали, ги штити клетките од мутации, односно спречува оштетување на ДНК и спречува репродукција на веќе формирани малигни клетки.
Уште еден моќен антиоксиданс се наоѓа во малините. Количината од 100 грама од ова овошје содржи речиси половина од дневните потреби на витамин Ц, покажуваат истражувањата.
Во 100 грама малини има само 52 калории, што ги прави нискокалорично овошје, а веќе споменатите кетони не дозволуваат таложење на маснотии во организмот.
Се препорачува и диета со малини, седум дена за еден оброк јадете само малини.
Ќе видите дека вашата коса станува повитална и посјајна, а вашата кожа посвежа и затегната.