Откако ќе дознаете дека ќе станете мајка, вашата главна задача е да му кажете на вашиот партнер и да прославите заедно со него. Но, кога ќе помине ова, мора да се посветите на вашата бременост и на бебето.
Пренатални витамини
Правилниот начин на исхрана е важен за здрава бременост, а на вашето тело му е потребна дополнителна доза на витамини. На пример, бремените жени мора да го зголемат внесот на фолна киселина и тоа од 400 до 600 микрограми на ден.
Престанете да пиете алкохол
Откажете се од алкохолот бидејќи може да го загрози менталниот и физичкиот развој на бебето.
Престанете да пушите цигари
Со пушењето го изложувате вашето бебе на штетни хемикалии, како што се катран и никотин. Доколку не можете да престанете со пушење, разговарајте со вашиот лекар. Исто така, треба да избегнувате да престојувате во простории во коишто се пуши. Тоа исто така може да биде опасно за вашето бебе.
Нови навики
Бремените жени треба да избегнуваат стресни ситуации и напорна работа. Доколку на работното место постојано сте изложени на стрес, размислете за тоа и разговарајте со претпоставениот.
Одете во шопинг
Сега имате вистинска причина да ја обновите гардеробата. Вашето тело ќе се менува во следните девет месеци. Купете нов градник, облека за бремени жени и еден пар удобни чевли.
Посетете го вашиот стоматолог
Здравјето на забите е клучно за развојот на вашето бебе. Бактериите во усната празнина можат да влезат во крвотокот што го зголемува ризикот од предвремени контракции.
Уживајте
Не заборавајте да се опуштите и да уживате во бременоста. Ова е најубавиот период во вашиот живот.