Што рекол Дончиќ кога „урлаше“ кон клупата на Далас?

Лука Дончиќ пред три дена го одигра првиот натпревар против Далас Маверикс, клубот во кој ја започна својата НБА кариера во 2018 година и многу брзо стана миленик на играчите.

Се мислеше дека станал недопирлив пред генералниот менаџер Нико Харисон да одлучи да го замени за Ентони Дејвис во трансфер со ЛА Лејкерс. Дончиќ на 26 февруари ја дочека можноста за одмазда.

ЛА Лејкерс ги пречекаа Маверикс во својата сала, а Дончиќ за прв пат заигра против поранешните соиграчи. Во победата на својот нов тим учествуваше со 19 поени, 15 скокови, 12 асистенции, три блокади и две украдени топки. Трибините на домот на Лејкерс одѕвонуваа со извици „Фала, Нико“ изразувајќи задоволство од трансферот во кој Дончиќ пристигна во Лејкерс. И Дончиќ имаше што да им порача на поранешните работодавци, па така социјалните мрежи го издвоија моментот кога погоди тројка и им упати поглед.

Сега се појави снимка од уште една акција во која Дончиќ не застана само на поглед. Откако погоди уште една тројка преку П.Џ. Вашингтон, се сврте кон клупата на својот поранешен тим и тренерот Џејсон Кид и со пцовка извика: „Тоа е она што јас го правам.“