Во текот на вчерашниот ден Google го одржа настанот „Made by Google“ за претставување на нови уреди и технологија, по неколку недели шпекулации на темата. Настанот започна со откривање на своите нови смартфони, а подолу прочитајте што сè друго ново претстави овој технолошки гигант.
Смартфоните Google Pixel и Pixel XL
Google Pixel ќе има 5-инчен, додека поголемиот Pixel XL ќе има 5,5-инчен екран, а двата модела ќе имаат Snapdragon 821 процесори и 4 GB RAM. Батеријата во Pixel ќе има капацитет од 2770mAh, додека XL ќе биде опремен со батерија од 3450mAh.
Разлика меѓу телефоните ќе има во поглед на резолуцијата на екранот - 1920х1080 кај стандардниот модел, како и 2560х1440 кај поголемиот смартфон. Корисниците ќе можат да изберат меѓу интерната меморија од 32 до 128 GB.
Со Pixel, Google се фокусира на камерата, нагласувајќи дека има оцена од 89 на DXOMark, што е највисоката досега за еден смартфон. Компанијата исто така дава бесплатен неограничен простор на сите Pixel корисници, кои ќе може да ги чуваат своите фотографии и видеа во висока резолуција, на Google Photos.
Телефоните се достапни во три бои, сина, сребрена и црна. Цената на помалиот смартфон изнесува 649 долари.
Daydream View очила за виртуелна реалност
Chromecast Ultra
Дигиталните плеери на дигитална мултимедија на Google добија подобрување. Сега поддржуваат HDR, Dolby Vision и содржина со резолуција од 4K. Chromecast Ultra ќе почне да се продава од ноември, по цена од 69 долари.
Google Wifi рутер
Компанијата го претстави првиот целосно свој Wifi рутер, наречен едноставно Google Wifi. Рутерот дозволува поставување на модуларни рутер точки низ домот, што ќе ви обезбеди максимална покриеност со интернет, а системот ја регулира и оптимизира вашата конекција следејќи го вашето движење низ домот. Цената за еден рутер изнесува 129 долари, а пакет од три, 299 американски долари.
Google Home
Google Home е уредот што ќе го направи вашиот дом „паметен“ - овој домашен асистент работи на допир и има вградено три звучници. Google Home е попаметен од Siri и Alexa и полесно и побрзо наоѓа одговори на прашањата што ќе ги поставите. Уредот работи со Google Play Music, YouTube, а може да се интегрира и со други музички софтвери како Spotify, Pandora, iHeartRadio итн.
Може да се поврзе и со вашиот Chromecast, па што и да пуштите на ТВ да биде озвучени преку овие звучници. Сега за сега, Home може да се користи со паметни сијалици и уреди како SmartThings и Nest, а Google вели дека во иднина ќе може да се користи како команден уред за другите ваши уреди во домот. Цената на Google Home изнесува 129 долари.
