Сезонава Вирхил ван Дајк е непрепознатлив, важи за најдобар дефанзивец во светот, а и најдобар играч на УЕФА за минатата сезона. Синоќешниот настап против Салцбург беше врв на неговата лоша форма.
Неговиот Ливерпул го совлада Салцбург со 4:3 во второто коло од Лигата на шампиони, но малку фалеше да не успеат да ги соберат планираните 3 бода. Проблем за црвените беше токму одбраната предводена од Ван Дајк која дозволи водството од 3:0 буквално да исчезне и Салцбург да дојде до 3:3. Холанѓанецот изгледаше очајно, како што и игра сезонава и воопшто не наликува на оној ѕид од лани.
На дербито со Арсенал беше најслабо оценет заедно со голманот Адриан. Тогаш Никола Пепе стана прв играч кој по 55 премиерлигашки натпревари успеал да го издрибла Ван Дајк. И тоа не е воопшто лошо, но Холанѓанецот сам постави стандарди дека не се поминува.
Во претходното коло Ливерпул загуби на гости кај Наполи, а Холанѓанецот му асистираше на Фернандо Љоренте при вториот гол на Италијанците.
Слабо реагираше при голот на Н'Голо Канте за Челси кога намали на 2:1, а во судиското надополнување го остави Мичи Бачуаји да влезе во голема шанса за израмнување, но за среќа топката не дојде до Белгиецот.
(голот на 1:23 и шансата на 1:42)
Синоќа беше неговиот најлош натпревар. Беше директен виновник за два од трите гола на Салцбург. При првиот гол Кореанецот Хи-чан Хуан го „прати по цигари“, а при третиот беше само нем гледач кога Такуми Минамино го проигра Ерлинг Браут Холанд.
(првиот гол на 4:30, третиот на 6:16)