Секој од нас во текот на животот чува тајни. Некои со години можат да останат скриени од другите, додека други пак ќе ни „излетаат“ во некој момент. Сепак, тајните не се лесни за чување, иако тоа можеби така изгледа.
Во прилог на ова одат и резултатите од едно ново истражување, објавено во магазинот PsycNET, во кое се тврди дека чувањето на тајни не е добро ниту за менталното здравје. Криењето на тајни доведува до пораст на анксиозноста кај луѓето и претставува исцрпувачко искуство за мозокот.
Тим научници од универзитетот во Колумбија извршил истражување на 600 учесници и открил дека 96 отсто од нив во тој момент чуваат тајна, која во главно била од љубовна природа.
Учесниците биле запрашани колку пати во последниот месец биле принудени да сокријат тајна и колку често размислувале за неа.
Речиси двојно повеќе од учесниците се изјасниле дека често размислувале за таа тајна. Токму тоа размислување билa причината која предизвикала најмногу штета. Ист резултат дала и анкетата спроведена меѓу туристи во Њуорк.
Тоа покажало дека самата природа на содржината на тајната која се чува не е причина за проблемот, туку како умот се однесува кон таа информација која влијае на него.
Понатамошната анализа открила дека на лошата состојба помалку влијание има значењето на тајната, туку дека на тоа најмногу влијае колку време размислуваме за тоа.
Научниците заклучиле дека размислувањето на луѓето околу тајните може да послужи како основа за понатамошни истражувања на оваа тема, со желба да се најде начин да и се помогне на луѓето и да се олесни чувањето во тајни во иднина.
