Одамна е познато колку спиењето е важно за правилно функционирање, концентрација, мотивација и успешно извршување на секојдневните обврски, но и покрај честите предупредувања и совети, луѓето не го почитуваат правилото да спијат околу 8 часа за здравје на организмот, туку гледаат серии до доцна во ноќта, остануваат на дружење до доцна, гледаат во телефоните...
Д-р Ребека Робинс објасни што се случува во мозокот кога ќе му дадеме само 6 - и помалку - часа сон и како само еден час повеќе спиење може да направи голема разлика.
„Ако спиете 8 часа една ноќ, а наредната 6, ќе го промените ритамот, всушност испраќате порака до мозокот да се прилагоди на различна временска зона. Секој следен пат кога ќе си легнете, тоа му станува предизвик и го збунувате. Токсините што мозокот потоа ги ослободува може да доведат до сериозни компликации и проблеми како што е деменција“, објаснува таа.
Исто така, истражувањата покажаа дека оние кои не спијат доволно имаат поголема веројатност да добијат грип и разни вируси бидејќи имунитетот паѓа и станувате почувствителни.
Да се има точен распоред за одење в кревет и будење е клучно за одржување на доброто здравје.
„Многу луѓе мислат дека само на децата им е потребна добра рутина за спиење, но потребна им е и на возрасните“.
Д-р Робинс предлага да не користите мобилни телефони пред спиење, туку да одвоите неколку минути за да медитирате и потоа да заспиете. Исто така, ако случајно се разбудите во текот на ноќта, не кревајте го телефонот. Обидете се да седнете, да ги прекрстите нозете и да направите медитација.