Овесната каша е една од најздравите намирници што треба да ја вклучиме во исхраната, советуваат многу диететичари.
Како што пишува Mayo Clinic, се препорачува денот да го започнете со здрава порција овесна каша. Имено, тие се познати по тоа што се одличен извор на влакна, го намалуваат нивото на гликоза и холестерол во крвта и го намалуваат ризикот од срцеви заболувања и дијабетес.
Тие причини се доволни сами по себе, но јадењето овесна каша помага и за подобро здравје на цревата. Иако големите здравствени промени можеби нема да се видат за неколку денови или дури недели, колумнистот и репортер на The Healthy, Џејми Статис, одлучи да јаде овесна каша за појадок секој ден во текот на една недела за да види какви здравствени ефекти може да забележи.
Еве какви промени забележала откако една недела јадела овесна каша:
посилен имунитет
побрз метаболизам
подобро варење
повеќе енергија
повеќе ситост.
„Планирам да продолжам да јадам овесна каша. Ми се допадна компонентата за ситост. Иако не сум направила тестови на крвта за да докажам какви било промени во моето здравје, прекрасно е чувството да се хранам правилно и добро да се грижам за себе. Можеби веќе нема да јадам овесна каша секој ден, но дефинитивно ќе ја јадам почесто од порано“, вели Статис.
Овесот може да го внесувате на различни начини, како мафини од овесни снегулки, за кои рецепти ќе најдете ТУКА, а не заборавајте дека овесната каша може да ја јадете и во слатка, и во солена варијанта.
