Јадењето краставици е исклучително здраво поради бројните придобивки од нив, но постојат и нус појави на кои треба да обрнете внимание, особено ако имате проблеми со желудникот.
Во исхраната на дијабетичарите е важно да консумираат храна со низок гликемиски индекс. Колку индексот кај некои намирници е повисок, толку повеќе ќе се зголеми шеќерот во крвта по консумација. Краставиците имаат гликемиски индекс 15 што ги прави намирници со релативно мал број.
Консумирањето храна со низок индекс може да помогне во намалувањето на инсулинската резистенција, а тоа може да го намали ризикот од дијабетес тип 2, пишува Nutrition.
Според француско и британско истражување објавено во Nutrients, краставиците содржат повеќе од 95% вода што значи дека добивате добра доза течности кога ги јадете.
Во една шолја краставици има 16 калории, што значи дека имаат ниска енергетска густина. Според студија објавена во Nutrients, постои врска меѓу консумирањето храна со пониска густина на енергија и губење на тежината.
Лошата страна е што краставиците можат да предизвикаат вишок на гасови, затоа што содржат кукурбитацин – спој што се наоѓа и во други намирници како тиква и лубеница. Резултира со горчлив вкус што се наоѓа во краставиците, а исто така е причина за гасови и пречки во дигестивниот процес. овие непријатни симптоми може да ги почувствувате ако јадете премногу краставици одеднаш.
Со високата содржина на вода краставиците се неверојатни во одржувањето на хидратација, но исто така се одлични во отстранувањето на вишокот вода што се задржува, така што ќе избегнете надуеност по јадење краставици.