Уште од дамнина луѓето создавале култ кон Сонцето, обожувајќи ја неговата моќ. Денес постојано околу нас ги слушаме предупредувањата за негативните последици при изложувањето на сончевите зраци.
Факт е дека сè уште постојат митови и недоразбирања за престојувањето на сонце, како и за мерките што треба да ги преземеме додека сме изложени на зраците. УВ зраците не влијаат само на нашата кожа, тие влијаат на скоро секој дел од нашето тело, позитивно и негативно.
Elite Daily направи интересно видео во кое прикажува што се случува во нашето тело додека сме на сонце. Да почнеме од мозокот, изложувањето на УВ зрачење предизвика ослободување на ендорфини, хормони задолжени за добро расположение, затоа сме посреќни и понасмеани кога сме изложени на сонце.
Сончањето може да го намали нивото на холестерол, бидејќи УВ зраците го претвораат холестеролот во крвта во витамин Д. Топлите сончеви зраци го зголемуваат протокот во крвта, а тоа ги стимулира ноктите побрзо да растат.
Предолгото изложување на сонце може да доведе до дехидрација на организмот, ако не пиеме вода дехидрацијата може да ја направи бојата на урината темно жолта и да предизвика камења во бубрегот.
Лицето е најизложениот дел од телото, повеќето дерматолози се согласуваат дека 80 проценти од оштетувањата се направени од сонцето. Од друга страна, сонцето ги зацврстува нашите коски, бидејќи изложеноста на сонце предизвикува природно производство на витамин Д во нашето тело.