Експертите тврдат дека треба да се огледаме на малцинството кое пие горко кафе.
За многумина денот не започнува без шолја кафе. Има и такви кои сакаат горко кафе, но повеќето сакаат да го засладуваат, па дури и да додаваат млеко.
Експертите тврдат дека треба да се огледаме на малцинството кое пие горко кафе. Според истражувањата, не треба да ставате млеко во кафето, бидејќи кога се меша со големи количини на кофеин, се зголемува излачувањето на калциум во урината, а голема количина се таложи во цревата.
Казеинот, кој се наоѓа во млекото, кога ќе дојде во контакт со кофеинот, коагулира и создава гасови кои предизвикуваат стомачни болки и абдоминални тегоби. Освен тоа, нутриционистите велат дека млекото во кафето го блокира метаболизмот и е главната причина поради која не успевате да слабеете, ако тоа е вашата цел.
Истото важи и за кафињата богати со слоеви крем и сируп, тие содржат астрономски количини на калории. На пример, ваквото кафе во мала шолја може да има 300 калории, односно празни калории кои немаат нутритивна вредност, па на тој начин повеќе штета отколку корист.
Дури и ако го избегнувате овој вид кафе, поголема е веројатноста дека ќе ставите една до две лажички шеќер, а тоа не само што создава голем број здравствени проблеми, како што е дијабетесот, туку и го менува оригиналниот вкус на кафето, што секако е занемарливо во споредба со здравствените проблеми што може да ги предизвикате.
