Не сте единствени, ако прво што правите кога ќе станете наутро е да испиете шолја топло, миризливо кафе. Сите знаеме дека таа навика не е здрава, но малкумина знаат зошто е всушност штетна.
Дознајте поради кои причини не треба да пиете кафе на празен желудник и што точно се случува кога тоа го правите.
Зголеменото ниво на желудочна киселина создава проблеми со варењето кои може да ги почувствувате во текот на целиот ден. Големата количина киселост со текот на времето може да доведе до сериозни проблеми во подрачјето на стомакот, како чир на желудник, рефлукс и слично. Поевтините кафиња, односно оние со помалку квалитет, обично имаат поголема киселост.
Пиењето големи количини кафе може да го зголеми чувството на стрес и нервоза, а кога пиете на празен желудник, тој проблем се влошува. Од друга страна, храната може да делува смирувачки на организмот. За да го намалите негативниот ефект од кафето на нервниот систем, со кафето секогаш јадете нешто.
Главната причина поради која кафето го зголемува нивото на стрес е хормонскиот дисбаланс, за кој главен виновник е кофеинот. Утринското кафе на празен желудник може да влијае на производството на серотонин, невротрансмитер одговорен за чувство на уживање, среќа и благосостојба.
Истражувања покажале дела кога ќе престанеме да пиеме кафе на празен желудник, ќе бидеме подобро расположени и се разбира, поздрави.
