Како што технологијата оди напред со вртоглава брзина, тоа го прави купувањето на нова технологија сѐ почеста активност. Поради тоа треба да знаете што точно треба да барате, посебно кога купувате лаптоп лично за себе.
Најголемиот проблем кој се јавува при купување на нов лаптоп е лошиот дисплеј, кој може навистина да ви го уништи корисничкото искуство. Баш заради таа причина, треба многу да внимавате на деталите кога купувате нов лаптоп.
Навикнати сме да бараме врвни перформанси од телевизорите, но кога купуваме нов лаптоп не обрнуваме доволно внимание на тоа. Старите компјутери имаа дисплеј со ниска резолуција и често се случува работите кои се наоѓаат на екранот да бидат матни и да се гледаат многу тешко. Со оглед на тоа дека висококвалитетен дисплеј е достапен дури и со оние поевтините лаптопи, препорачуваме да внимавете што одбирате и да се фокусирате на некој лаптоп кој има добар (или повеќе од добар) екран.
High Definition
Зборовите кои треба да ги барате се High Definition (HD) или уште подобро Full HD. Терминот Full HD означува дека резолуцијата на дисплејот е соодветна со онаа на HD телевизорите - со други зборови, 1920 пиксели на подолгата страна од екранот и 1080 пиксели на пократката страна. Вкупно, тоа се околу 2 милиони пиксели, па затоа не е изненадувачки што овие екрани имаат толку „мазна“ слика.
На лаптоп како што е Dell Inspiron 13 5370, 13-инчниот Full HD екран изгледа феноменално со живи бои и кристално чиста слика. Ова е уред со соодветно повисока цена, но е само еден пример во кој врвните перформанси се комбинирани со одличен квалитет и супериорен дизајн.
Брз и моќен лаптоп
Кога купувате лаптоп, побарајте наместо обичен хард диск да добиете SSD хард диск кој зафаќа помалку место. За да извадите максимум од перформансите, купете лаптоп со процесор од серијата „i“, како i3, i5 или i7. Дополнително, препорачуваме да одберете лаптоп кој има повеќе од 4GB RAM, поради комплексноста на задачите кои лаптопот треба да ги извршува. Секој дополнителен мегабајт RAM ќе ви биде добредојден бидејќи тоа ќе го направи лаптопот побрз.