Храната во авионите има лоша репутација, а некои би рекле дека тоа е така со причина. Сепак, не може да очекувате храна како во врвен ресторан додека летате 6.000 метри над земјата?
Според кулинарскиот експерт Фриц Грос, постојат само два типа на храна кои треба да ги нарачате додека патувате со авион.
Не постои некоја прекрасна гурманска храна во авионите, но кога веќе мора да јадете нешто, нарачајте чорба или пржен ориз, советува Грос, кој е директор на кетеринг службата на LSG Sky Chefs.
„Колку и да ја оставаме да се олади, и потоа да ја подгреваме, чорбата си останува чорба и не губи на вкус или квалитет“, вели Фриц Грос.
Истото важи и за пржениот ориз, кој со постојаното подгревање не губи хранливи материи, ниту пак има промена во вкусот.
„Тестенините се секогаш лош избор, бидејќи тие мораат да бидат зготвени ‘ал денте’ за да имаат добар вкус“, додаде Грос.
Компанијата за која работи Грос го надгледува производството на преку 30.000 различни видови оброци за авиокомпаниите British Airways, United Airlines и DragonAir.
Тој вели дека во авионите треба да се избегнува јадењето на месо од типот на стекови, кременадли и пилешко месо бидејќи постојат посебни начини на приготвување на месото, кое го оставаат без вкус и многу често е недоволно печено.