Идеалниот летен одмор може да го расипе убодот од морски еж. Важно е да знаете кои чекори треба да ги преземете за да закрепнете што е можно поскоро.
Тие често оставаат рани на кожата, кои лесно можат да се инфицираат доколку веднаш не се лекуваат. Повеќекратните убоди може да бидат многу сериозна повреда, особено ако се придружени со симптоми како што се слабост, болка во мускулите, вкочанетост, шок и интензивен замор, пренесува Healthline. Овие симптоми доведуваат до респираторна инсуфициенција, па дури и до смрт.
Ако ве боцне морски еж, веднаш отстранете ги боцките. Можете да користите пинцети за да го олесните ова. Кога ќе завршите, измијте ја раната со сапун и вода.
За ублажување на болката можете да користите лекови без рецепт. Најмалку три пати на ден тријте ја раната со антихистаминска крема за да ги ублажите каснувањата и убодите. Ако чувствувате чешање, земете крем со хидрокортизон.
Треба да престанете да го користите споменатиот крем доколку забележите дека местото на убодот е дополнително отечено или зацрвенето. Ако кренете температура и чувствувате дека болката се зголемува, одете на лекар.
