Ако почнувате со интензивни тренинзи за билдање мускули по 40-тата година, треба да бидете внимателни. Сакале или не, со возраста губите мускулна маса и закрепнувањето е различно отколку во дваесеттите или триесеттите години.
Физиотерапевтот и тренер Џеф Кавалир сними видео во кое детално објаснува кои се грешките при билдање мускули кај мажи постари од 40 години.
Прво и основно, не прескокнувајте го загревањето. Во вашите дваесетти години можеби сте успевале да го направите ова, но во четириесеттите години не треба. Не претерувајте, доволно е да почнете да се потите, а енергијата заштедете ја за тренинг.
Друга грешка е ако брзате да направите што е можно повеќе вежби. Обидете се да се концентрирате на квалитетот повеќе од квантитетот.
Следната грешка е недоволно фокусирање на движењата и повторувањата. Потребна е врска на умот и мускулите, мислете што правите и концентрирајте се.
Треба да се стави акцент и на тренингот за метаболизам, па затоа Џеф препорачува промени во интензитетот и повеќе повторувања на полесни вежби, наместо претерување со потешките вежби што не можете да ги направите повеќе од еднаш.
Грешка е и ако не тренирате темелно. Во ред е ако сакате да работите на раст на мускулите, но обидете се да усовршите некои вештини и вежби, да поставите цели и да ги постигнете постепено.
Прескокнувањето вежби за одредени делови од телото е исто така погрешно. Обидете се да се посветите на тоа секој дел од телото да работи на вашата рамнотежа и умешност.
Форсирањето долги монотони кардио вежби е уште една грешка во низата. Обидете се да правите типови на кардио тренинг што се пократки, за да си ги поштедите зглобовите.