Наместо да се одлучите за некои спортски пијалаци, после напорен тренинг напијте се чоколадно млеко.
Истражување, кое беше спроведено неодамна, покажа дека чоколадното млеко содржи совршена комбинација од сите елементи кои му се неопходни на телото да ги прими после вежбање - јаглехидрати, протеини, масти, вода и електролити.
Научниците во ова истражување проучуваа каков ефект има пиењето на чоколадно млеко и таканаречените „спортски пијалаци“ после тренинг, земајќи го во предвид интензитетот и траењето на тренинг, како и просечниот пулс на испитаниците во текот на вежбањето.
Резултатите покажуваат дека чоколадното млеко дава подобри резултати во споредба со останатите пијалаци.
Чоколадното млеко навистина содржи елементи кои придонесуваат за подобро да се чувствувате после тренинг.
Млекото само по себе содржи два висококвалитетни протеини, од кои едниот се апсорбира многу бргу, а другиот побавно, што значи дека консумирањето на млеко после тренинг ви нуди континуиран извор на протеини, што е одлична работа за градење на мускулите.
Кога на ова ќе ги додадеме и јаглехидратите од чоколадата, имаме „добитна комбинација“ за брзо подигање на нивото на енергија.
Покрај тоа, ако испиете чашка чоколадно млеко во организмот ќе внесете и магнезиум, калциум, витамин б6 и железо.