САД, Русија, Кина, Индија и Јапонија се најголемите воени сили во светот, објави организацијата Global Firepower. Кога станува збор за Балканот, Србија е најмоќна воена сила, додека Македонија е на дното на листата.
Во истражувањето направено од Global Firepower, разгледани се повеќе од 50 индивидуални фактори како воената моќ, висината на воениот буџет, логистиката и географската положба.
Претходно пишувавме за Балканот и нашите соседи, Србија е на 61. место во светот, Хрватска на 63. место, Словенија на 88. место, Албанија на 113. место, БиХ на 121. место, Црна Гора на 123. место, додека Македонија е на 133. место од 139 земји.
Овој пат, во фокусот се петте најмоќни воени сили:
На првото место се САД, за нив е предност што имаат огромен буџет, голем број војници и резервисти.
Американската воена индустрија произведува најсовремена воена техника во светот. САД се водечка сила и во областа на воената авијација, имаат најголем број активни носачи на авиони и можност да извршат глобален напад на основа на концепција која постои во воената морнарица на САД, а се однесува на примена на офанзивни групи бродови кои ги предводат носачи на авиони.
Втора најмоќна воена сила е Русија, која успеа да го обнови воениот потенцијал по постсоветската криза и да реализира многу проекти поврзани со модернизација на воената авијација и воената морнарица.
Русија поседува нова генерација подморници вооружени со стратешки и крстосувачки ракети. Тоа овозможува да го намали заостанувањето зад Американците. Сè поголемата моќ на руските бродови оди во предност на тоа дека посебно внимание се обрнува на засилувањето на крајбрежната одбрана.
Русија и понатаму е пред САД по сите категории на копненото вооружување освен лесните оклопни возила. Кога станува збор за воената авијација, Русите секогаш се зад Американците, но за нив воздушна доминација придонесе ловецот Su-57.
Кина е третата воена сила, заостанува зад Русија и САД, но и понатаму вложува големи и долгорочни инвестиции во сите гранки на воената индустрија.
Со втор по големина воен буџет и најголем број резервисти, Кина демонстрира способност да обезбеди „експлозивен“ развој во краток период.
Значајните ресурси овозможуваат во наредните децении да реализира низа амбициозни програми во областа на производството и купувањето оружје, од создавање на сопствени носачи
на авиони со групи на воени бродови до производство на флоти од бомбардери и ловци од шеста генерација.
Четврта по сила е војската на Индија, која покрај релативно малиот воен буџет и воената индустрија која не може да се спореди со првите три водечки сили, воениот потенцијал се основа на огромниот ресурс на работна сила и големиот број резервисти.
Индија има голем, иако делумно застарен парк од тенкови, а располага со импресивни сили на крајбрежна одбрана и солидна резерва на артилериско оружје.
Петта на листата е Јапонија, која ја потисна француската војска и тоа благодарение на богатството, релативно големиот воен буџет и извонредната инфраструктура.
Јапонија има моќно воено воздухопловство и моќни воени подморници, но целокупниот рејтинг е полош поради релативно малите копнени сили.
