Од врвен секс ве одвојуваат само површни изговори. Секој може да има најдобар секс - откако ќе ги надминете менталните бариери што ве спречуваат целосно да се препуштите и да уживате во сексот.
Ова се најчестите изговори што си ги даваме и си скратуваме едно задоволство повеќе:
Мислите дека сте престари
Ако уште можете да јадете, да дишете и да се смеете, тогаш можете да бидете отворени и за нови сексуални искуства. Годините воопшто не се важни, особено ако сте здрави. Ако имате некои здравствени проблеми, тогаш прилагодете ги сексуалните активности така што ќе можете непречено да се препуштите на сексуалното уживање.
Се задоволувате со просечен секс
Верувале или не, повеќето луѓе воопшто не сакаат да имаат супер секс. Страстниот секс е физички и емотивно моќен, а многу луѓе не сакаат да губат контрола, па одбегнуваат да имаат страстен секс. Исто така, интензивниот секс подразбира и интензивна врска во која многумина не се подготвени да се препуштат. Од друга страна, некои луѓе имаат намалено либидо, па едноставно не разбираат што е целата врева околу страстниот секс. Ако спаѓате во овие групи, не знаете што пропуштате.
Што ќе правиме со децата?
Ова не смее да биде изговор за двојките со деца. Има милион начини како да си обезбедите барем неколку часа без децата (посета на роднини, дадилка, детски камп...) Има илјадници двојки со деца кои имаат активен сексуален живот, бидете една од нив.
Не можете да се ослободите
Екстровертните луѓе главно уживаат во промените, додека интровертните сакаат да останат во својот „безбеден простор“. Колку сте посигурни во себе, толку е поголема веројатноста дека ќе бидете поотворени за пробување нови работи и препуштање на сексуалното уживање. Ослободете се од вашите инхибиции и искрено разговарајте со партнерот за вашите граници и желби.
Многу сте срамежливи
Не сте единствени. Советот е сличен како за луѓето кои имаат „кочница“ во главата: разговарајте, ослободете се и истражувајте. Дозволете си непречено сексуално уживање и тоа ќе ви даде дополнителна доза самодоверба за сѐ во животот.
