Последните објавени резултати на Apple ја открија иднината на iPhone. Новите вести можеби нема да бидат добри за вашиот џеб, но тие се добри за телефонот во вашиот џеб.
Бројките кои ги претстави Apple се одлични за компанијата. Во последните неколку месеци кружеа шпекулации дека можеби Apple би требало да се откаже од производство на iPhone телефони, новите резултати покажуваат дека продажбата на iPhone (и на сите останати уреди) направија компанијата дополнително да порасне и да добие на вредност.
Резултатите велат дека новата стратегија на Apple која започна со iPhone X се исплати и сега компанијата ќе продолжи да прави слични потези на пазарот. Имено, Apple реши да го произведе iPhone X, кој до ден денес останува најскап смартфон произведен од компанијата, како дел од нивната определба да ги привлечат купувачите со нови технологии и премиум телефони.
Освен со продажба на телефони, Apple заработи многу и со продажба на додатни елементи од тимот на Smart часовници, пенкала за уредите кои работат на допир и слично. Тие и понатаму ќе нудат на пазарот телефони, но ќе продолжат со понудата на дополнителна опрема и услуги за сите нивни корисници.
Цените на iPhone телефоните оваа година пораснаа за 10% во споредба со минатата, а тоа најмногу се должи на цената на iPhone X, чија цена почнува од 999 долари. Просечната цена на iPhone уред изнесува 728 долари, додека лани таа изнесуваше 655 долари.
„Ова беше првиот циклус во кој нашиот најпродаван телефон беше и најпопуларниот телефон на пазарот“, изјави Тим Кук за iPhone X.
Услугите на Apple од типот на Apple Music, App Store и iCloud заработија далеку над очекувањата и се главниот катализатор на успехот на оваа компанија. Предвидувањата на Вол Стрит беа дека заработката од овие услуги ќе изнесува околу 8,3 милијарди, но тие заработија нешто повеќе од 9,1 милијарди долари.
