Се проценува дека дури 80% од конечната висина на детето е од генетска природа, што значи дека во голема мера е одредена уште пред да се роди. Факторите кои ги чинат дополнителните 20% вклучуваат работи како што се исхраната, пушењето цигари, па дури и редоследот на раѓање.
Жените кои пушат во текот на бременоста често раѓаат бебиња со помала телесна маса, но тоа се протега и во детството. Студија од 2014 година направена во Бразил покажа дека децата на пушачи се пониски низ адолесценцијата, а друга студија покажа дека децата кои пушат на возраст од 12 до 17 години исто така може да бидат пониски од врсниците кои не пушат.
Се покажа дека постои нешто и во тоа дали пиете млеко за да станете силни и високи. Според студија објавена во Scientific American, најважната хранлива состојка за конечна висина се протеините во детството. Минералите, особено калциум, како и витамините А и Д исто така влијаат на висината.
Поради тоа неисхранетоста во детството е штетна за висината.
Британска студија покажа дека помладите браќа и сестри растат побавно, иако тоа веројатно има врска со недостигот на храна отколку со вистинскиот редослед на раѓање. Се смета дека во некои ситуации во кои има повеќе деца постои можност за недостиг на храна што најмногу го погодува најмалото дете, пишува Guardian.
