Долгогодишната љубов меѓу Шакира и Жерард Пике заврши на најскандалозниот можен начин. Откако пејачката открила дека фудбалерот ја изневерува, му се обрати во нова песна.
За потсетување, парот ја раскина долгогодишната врска во јуни и оттогаш не престануваат јавно да се препукуваат. Шакира во новата песна со интересно име „Out of Your League“ се „помири“ со неверниот партнер, сруши рекорд на YouTube и стана песната стана најстримувана во Латинска Америка.
Неколку недели по раскинувањето, Пике беше фотографиран од медиумите во друштво на 23-годишната Клара Чиа Марти, за која ја остави пејачката, како што подоцна пееше Шакира во нејзиниот хит.
„Душо, ти посакувам сè најдобро со мојата замена, не знам што ти се случи, но замени Ferrari за Twingo, Rolex за Casio“, гласи текстот на новата песна на Шакира упатена до Пике.
Белиот електричен Twingo Пике го позајмил од Renault, откри претставник на брендот за шпанските медиуми:
„Ни се јави претставник на Пике и побара да го позајмиме автомобилот, а ние се согласивме“.
Но, иако славниот фудбалер во својата колекција го нема славното Twingo, нема ниту Ferrari. Сепак, има импресивна флота.
Неговата колекција на автомобили вклучува Porsche Cayenne E-Hybrid и Porsche Panamera Turbo S.
Покрај тоа, Пике понекогаш оди на возење со својот Aston Martin DB9 GT.
Тоа е најмоќната варијанта, која од 0 до 100 км/час забрзува за 4,5 секунди и може да достигне максимална брзина од 295 км/час.
Тој поседува и луксузен бел Maserati GranCabrio, а неговата колекција на автомобили вклучува две Audi: Q7 и RS5, што не е чудно бидејќи овој германски бреенд со години е спонзор на Барселона.
Cupra е помладата и полуксузна сестра на Seat, најпознатиот шпански автомобилски бренд, а во 2019 година беа и официјален спонзор на Барселона, па логично е Пике да има еден од нивните модели во својата колекција - Formentor со 390 HP.
Кој знае, можеби Ferarri е следен примерок во неговата колекција.