Остануваат уште неколку месеци до официјалната премиера на iPhone 11 и iOS 13, но тоа не значи дека нема да почнеме да шпекулираме околу можниот дизајн, спецификациите и цената на новиот уред. Засега се познати многу малку информации, па затоа решивме да ги собереме на едно место и да се обидеме да прогнозираме што ќе ни донесе новиот смартфон на Apple.
Новите смартфони на Apple, двата премиум уреди кои се очекува да бидат прикажани годинава, ќе имаат големи OLED екрани – 5,8 инчи за стандардниот и 6,5 инчи за Pro или Plus варијантата.
Малиот „notch“ на врвот на екранот и понатаму ќе биде составен дел од новите смартфони, а досегашните извештаи информираат дека iPhone 11 ќе пристигне со подобрена Face ID функција, како и значајни подобрувања на стерео звучниците.
Веќе знаеме дека овогодинешниот iPhone ќе има три камери на задниот дел – стандардна, телефото и ултраширока леќа. Широкоаголната леќа ќе може да обезбеди поле на преглед од 120 степени. Apple реши да го подобри и LED блицот на задниот дел, а целиот систем ќе биде сместен во компактен, мал квадрат на задната маска.
Што се однесува до функциите на iOS 13, некои од нив се опишани во бројните извештаи од Apple. Тука е таканаречениот Dark Mode, кој доаѓа вграден во системот и ќе се применува дури и на екстерни апликации. Меѓутоа, Apple ќе се фокусира на имплементирање на темно-сива позадина, наместо црна, како што се шпекулираше поодамна.
Покрај тоа, iOS 13 ќе почне уште повеќе да учи од акциите и однесувањето на корисникот, па така ќе биде достапно паметно управување на RAM и неколку други опции. Jailbreaking-от ќе биде значително отежнат.
