Швајцарската нуклеарна централа во Дотинген во близина на границата со Германија вчера вечерта автоматски беше исклучена поради дефект на приклучокот на мрежата, соопшти денеска операторот Axpo.
Електраната била исклучена поради дефект, соопшти Axpo, додавајќи дека за време на исклучувањето, нерадиоактивна водена пареа се испуштала во воздухот преку покривот на делот од централата кој не бил вклучен во нуклеарни реакции.
Дефект во приклучокот на електричната мрежа е идентификуван само во еден реактор и експертите во моментов се обидуваат да ја утврдат причината. Засега не е познато кога реакторот би можел да се рестартира.
Нуклеарните централи Beznau 1 и Beznau 2 се наоѓаат во Дотинген, на околу седум километри од границата со Германија. Тие беа пуштени во употреба во 1969 и 1971 година и се меѓу најстарите активни нуклеарни централи во светот.
Швајцарија одлучи постепено да ја укине нуклеарната енергија, но активните електрани може да продолжат да работат додека не им истечат безбедносните дозволи. Axpo, според сегашните планови, ќе ги деактивира Beznau 1 и 2 во 2032, односно 2033 година.
